ആഗോള ചെറുകാര് വിപണി കീഴടക്കാന് ഫോക്സ് വാഗണിന്റെ പുതിയ മോഡല് ഒരുങ്ങുന്നു. ഇന്ത്യയില് അടുത്തവര്ഷം പുറത്തിറക്കുമെന്ന് പ്രതീക്ഷിക്കുന്ന ഈ ഹാച്ച്ബാക്കിന് അപ്പ് എന്നാണ് പേരിട്ടിരിക്കുന്നത്. നിലവില് ഇന്ത്യയില് ലഭ്യമാകുന്ന ചെറുകാറായ പോളോയേക്കാള് ചെറിയ കാറായിരിക്കും അപ്പ്.അതുകൊണ്ടുതന്നെ മാരുതി, ഹ്യൂണ്ടായ്, ടാറ്റ, ഷെവര്ലെ മോഡലുകള് കടുത്ത വെല്ലുവിളി ഉയര്ത്തിക്കൊണ്ടാകും ഫോക്സ്വാഗണ് അപ്പിന്റെ വരവ്. സിറ്റി കാര് എന്ന വിശേഷണവുമായി അവതരിപ്പിക്കുന്ന അപ്പ് മോഡലിനെക്കുറിച്ചുള്ള വിവരങ്ങള് ഔദ്യോഗികമായി പുറത്തുവിട്ടു. ഫോക്സ്വാഗണിന്റെ ബെസ്റ്റ് സെല്ലര് കാറായി അപ്പ് മാറുമെന്നാണ് കമ്പനി പ്രതീക്ഷിക്കുന്നത്.
ആദ്യം യൂറോപ്യന് വിപണിയിലായിരിക്കും അപ്പ് അവതരിപ്പിക്കുക. അപകടങ്ങള് ഒഴിവാക്കാന് സഹായിക്കുന്ന സിറ്റി എമര്ജന്സി ബ്രേക്കിംഗ് സിസ്റ്റം ഉള്പെ്പടെയുള്ള സംവിധാനങ്ങളുമായാണ് അപ്പ് എത്തുക. നഗരങ്ങളില് മണിക്കൂറില് 30 കിലോമീറ്ററില് താഴെ വേഗത്തില് സഞ്ചരിക്കുമ്പോള് പ്രവര്ത്തിക്കുന്നതാണ് ഈ സംവിധാനം. ലേസര് സെന്സറുകള് ഉപയോഗിച്ച് അപകട സാധ്യത മനസ്സിലാക്കി സ്വയം ബ്രേക്ക് ചെയ്യുന്ന സംവിധാനമാണ് എമര്ജന്സി ബ്രേക്കിംഗ് സിസ്റ്റം. ഇതുള്പ്പടെ നിരവധി സവിശേഷതകള് അപ്പിനുണ്ടാകും. അപ്പിനെക്കുറിച്ചുള്ള കൂടുതല് വിവരങ്ങള്ക്കായി നമുക്ക് കാത്തിരിക്കാം. ഈ വര്ഷാവസാനം നടക്കുന്ന ഓട്ടോ എക്സപോകളില് അപ്പ് പ്രദര്ശിപ്പിക്കുമെന്നും സൂചനയുണ്ട്.
No comments:
Post a Comment