ഒരു ലക്ഷം രൂപയുടെ നാനോ കാര്‍ പുറത്തിറക്കി ലോകത്തെ വിസ്മയിപ്പിച്ച ഇന്ത്യയില്‍ നിന്ന് വീണ്ടുമൊരു മായാജാലം. പക്ഷെ ഇത്തവണ കാര്‍ നിര്‍മാണ മേഖലയില്‍ അല്ല, വിവര സാങ്കേതിക മേഖലയില്‍ ആണെന്ന് മാത്രം. ലോകത്തിലെ ഏറ്റവും വില കുറഞ്ഞ ടാബ്ലറ്റ് കമ്പ്യൂട്ടര്‍- ആകാശ് കഴിഞ്ഞ ദിവസം ഡല്‍ഹിയില്‍ പുറത്തിറക്കി.കേന്ദ്ര സര്‍ക്കാര്‍ സബ്സിഡിയോടെ വിദ്യാര്‍ഥികള്‍ക്ക് 1750 രൂപയ്ക്ക് ലഭിക്കുന്ന ടാബ്‌ലറ്റിന് പൊതു വിപണിയില്‍ 2,999 രൂപയാണ് വില. വിവരസാങ്കേതിക വിദ്യയുടെ പ്രയോജനം വിദ്യാര്‍ത്ഥികളിലെത്തിക്കുകയെന്ന ലക്ഷ്യത്തോടെയാണു കേന്ദ്ര മാനവവിഭവശേഷി മന്ത്രാലയം ആകാശ് ടാബ്ലറ്റ് പുറത്തിറക്കുന്നത്.
ഗൂഗിള്‍ ആന്‍ഡ്രോയിഡ് ഒ എസ്, ഏഴ് ഇഞ്ച്‌ എല്‍ സി ഡി സ്ക്രീന്, 256 എം ബി റാം, 32 ജി ബി വരെ ഉയര്‍ത്താവുന്ന മെമ്മറി, രണ്ടു യു എസ് ബി പോര്‍ട്ടുകള്‍, ജി പി ആര്‍ എസ്, വൈ ഫൈ തുടങ്ങിയവയാണ് ആകാശ് ടാബ്‌ലറ്റിന്‍റെ മുഖ്യ സവിശേഷതകള്‍. എന്നാല്‍ ആന്‍ഡ്രോയിഡ് ആപ്ലിക്കേഷനുകള്‍ ഡൌണ്‍ലോഡ് ചെയ്യാന്‍ സാധിക്കില്ല എന്നത് ഒരു ന്യുനതയാണ്.
ഒരു കോടി ഇരുപത് ലക്ഷം വിദ്യാര്‍ത്ഥികള്‍ക്ക് നല്‍കാനായി ടാബ്ലറ്റ് കമ്പ്യൂട്ടറുകള്‍ ആവശ്യമായതിനാല്‍ ഘട്ടം ഘട്ടമായി ഇനിയും വില കുറക്കാനാകുമെന്നാണു സര്‍ക്കാര്‍ അനുമാനിക്കുന്നത്. വിദ്യാര്‍ത്ഥികള്‍ക്ക് പാഠഭാഗങ്ങള്‍ ഡൌണ്‍ലോഡ് ചെയ്തെടുക്കുന്നതിനു കഴിയും വിധമാണ് ടാബ്ലറ്റ് നിര്‍മ്മിച്ചിരിക്കുന്നത്. മുന്‍പ് വിദ്യാര്‍ത്ഥികള്‍ക്കായി 5,000 രൂപയില്‍ താഴെ വിലയുള്ള ലാപ്ടോപ്പുകള്‍ നിര്‍മ്മിക്കുമെന്ന് കേന്ദ്ര മാനവിഭവശേഷി മന്ത്രാലയം പ്രഖ്യാപിച്ചിരുന്നെങ്കിലും നടപ്പാക്കാനായിരുന്നില്ല.
ഐ ഫോണും ഐ പാഡും ലോകത്തിനു സമ്മാനിച്ച സിലിക്കന്‍വാലി ഐക്കണ്‍ സ്റ്റീവ് ജോബ്സ്(56) യാത്രയായി. കഴിഞ്ഞ ഏഴു വര്‍ഷമായി ഗുരുതരമായ പാന്‍ക്രിയാറ്റിക്‌ ക്യാന്‍സറിന്‌ ചികില്‍സയിലായിരുന്നു ആപ്പിള്‍ മുന്‍ സി ഇ ഒയും ഇപ്പോഴത്തെ ചെയര്‍മാനുമായിരുന്ന ജോബ്സ്. ഇന്ന് ലോകത്തെ ഏറ്റവും വിലപിടിപ്പുള്ള കമ്പനികളില്‍ ഒന്നാക്കി ആപ്പിളിനെ മാറ്റിയതില്‍ ജോബ്സിന്റെ പങ്ക് നിസ്തുലമാണ്.
സോഷ്യല്‍മീഡിയയ്‌ക്ക്‌ അതിന്റേതായ ഗുണവും ദോഷവുമുണ്ട്‌. ലോകത്തിലെ ഏറ്റവും വലിയ സോഷ്യല്‍മീഡിയ വെബ്‌സൈറ്റായ ഫേസ്‌ബുക്കിനെക്കുറിച്ച്‌ പുതിയതായി ഉയര്‍ന്നുവരുന്ന ആരോപണം, ലൈംഗിക ആരാജകത്വവും ബലാല്‍സംഗവും പ്രോല്‍സാഹിപ്പിക്കുന്നു എന്നതാണ്‌. ലൈംഗിക ആരാജകത്വവും ബലാല്‍സംഗവും സംബന്ധിച്ച്‌ ചില ഉപയോക്‌താക്കള്‍ ഇട്ട പോസ്‌റ്റ്‌ നീക്കം ചെയ്യണമെന്ന ആവശ്യം ഫേസ്‌ബുക്ക്‌ നിരാകരിച്ചതോടെയാണ്‌ പുതിയ ആരോപണം നേരിടേണ്ടിവരുന്നത്‌.
ഫേസ്‌ബുക്ക്‌, ട്വിറ്റര്‍ പോലെയുള്ള സോഷ്യല്‍മീഡിയ സൈറ്റുകളില്‍ കൂടുതല്‍ സമയം ചെലവഴിക്കാന്‍ താല്‍പര്യമുള്ളവരാണോ നിങ്ങള്‍? എങ്കില്‍ പതിനായിരത്തോളം തൊഴില്‍ അവസരങ്ങള്‍ നിങ്ങളെ കാത്തിരിക്കുന്നു. ഇക്കാലത്തെ ഏറ്റവും ഫലപ്രദമായ മാര്‍ക്കറ്റിംഗ്‌ മാധ്യമം സോഷ്യല്‍ മീഡിയയാണെന്ന തിരിച്ചറിവാണ്‌ സോഷ്യല്‍ മീഡിയ എക്‌സ്‌പര്‍ട്ട്‌ എന്ന പേരില്‍ പുതിയ തസ്‌തിക സൃഷ്‌ടിക്കാന്‍ വന്‍കിട കമ്പനികളെ പ്രേരിപ്പിക്കുന്നത്‌.
ലോകത്തിലെ ഏറ്റവും വലിയ സോഷ്യല്‍ നെറ്റ്‌വര്‍ക്കിംഗ്‌ സൈറ്റാണ്‌ ഫേസ്‌ബുക്ക്‌. ഫേസ്‌ബുക്കില്‍ അംഗങ്ങളാകുന്നവരുടെ എണ്ണം നാള്‍ക്കുനാള്‍ വര്‍ദ്ധിച്ചുവരികയാണ്‌. ഫേസ്‌ബുക്കില്‍ അംഗങ്ങളായാല്‍ നിരവധി സുഹൃത്തുക്കളെ കണ്ടെത്താം എന്നതിനെ പുറമെ പല ഗുണങ്ങളുമുണ്ട്‌. എന്നാല്‍ അതിനെല്ലാം പുറമെ ചില അപകടങ്ങളും ഫേസ്‌ബുക്കില്‍ പതിയിരിക്കുന്നുണ്ട്‌.
തമിഴ് സൂപ്പര്‍താരം വിക്രമിന്‌ കാറുകള്‍ എന്നും ഒരു ഹരമായിരുന്നു. കാറുകള്‍ വാങ്ങാന്‍വേണ്ടിയാണ്‌ പുള്ളിക്കാരന്‍ സിനിമയിലെത്തിയതത്രെ. ഏതായാലും സിനിമയിലൂടെ പ്രേക്ഷകരെ ശരിക്കും വിസ്മയിപ്പിച്ച വിക്രം ഇഷ്‌ടപ്പെട്ട കാറുകളെല്ലാം സ്വന്തമാക്കി.
ജാപ്പനീസ്‌ കാര്‍ നിര്‍മ്മാതാക്കളായ ഹോണ്ടയുടെ കോംപാക്‌ട്‌ ഹാച്ച്ബാക്ക് മോഡലായ ബ്രയോ ഇന്ത്യന്‍ വിപണിയില്‍ അവതരിപ്പിച്ചു. ഇ, എസ്, എസ്(ഓപ്‌ഷണല്‍), വി എന്നിങ്ങനെ നാലു മോഡലുകളായി ലഭ്യമാകുന്ന ബ്രയോയ്‌ക്ക്‌ 3.95-5.1 ലക്ഷം രൂപയാണ് ഡല്‍ഹി എക്സ് ഷോറൂം വില. ഹോണ്ട ബ്രയോ കൂടി എത്തിയതോടെ ഈ രംഗത്തെ മല്‍സരം കൂടുതല്‍ ശക്‌തമാകും.
2010ലെ ഡല്‍ഹി ഓട്ടോ എക്‌സോപോയില്‍ റെനോ അവതരിപ്പിച്ച കുഞ്ഞന്‍ കാറാണ്‌ ട്വിസി ഇവി. രണ്ടു പേര്‍ക്ക്‌ മാത്രം സഞ്ചരിക്കാന്‍ കഴിയുന്ന ഇലക്‌ട്രിക്‌ കാറാണ്‌ ട്വിസി. ഈ വാഹനം ഉടന്‍ വിപണിയിലെത്തുന്നു. ഈ വര്‍ഷാവസാനത്തോടെ യൂറോപ്യന്‍ വിപണിയിലെത്തുന്ന റെനോള്‍ട്ട്‌ ട്വിസി ഇവി അടുത്തവര്‍ഷത്തോടെ ഇന്ത്യയിലും അവതരിക്കും. നഗരയാത്ര ലക്ഷ്യമിട്ട്‌ പുറത്തിറക്കുന്ന ട്വിസിക്ക്‌ 2.32 മീറ്റര്‍ നീളവും 1.19 മീറ്റര്‍ വീതിയും 1.46 മീറ്റര്‍ ഉയരവുമാണുള്ളത്‌.
ടാറ്റ ആര്യയ്‌ക്ക്‌ പിന്നാലെ ഇന്ത്യയില്‍ നിന്ന് മറ്റൊരു സ്‌പോര്‍ട്‌സ്‌ യൂട്ടിലിറ്റി വെഹിക്കിള്‍ (എസ് യു വി) ജനിക്കുന്നു. ഇന്ത്യന്‍ കമ്പനിയായ മഹീന്ദ്ര ആന്ഡ് മഹീന്ദ്ര പുറത്തിറക്കുന്ന എസ് യു വിയ്‌ക്ക്‌ എക്സ് യു വി 500 എന്നാണ് പേരിട്ടിരിക്കുന്നത്‌. സെപ്റ്റംബര് 28ന് മഹീന്ദ്ര എക്‌സ്‌യുവി 500 ഔദ്യോഗികമായി അവതരിപ്പിക്കും.
ഹ്യൂണ്ടായിയുടെ ചെറുകാര്‍ ഇയോണ്‍ ദീപാവലിയ്‌ക്ക്‌ മുമ്പ്‌ ഇന്ത്യന്‍ വിപണിയിലെത്തും. ഇന്ത്യയിലെ ബെസ്‌റ്റ്‌ സെല്ലിംഗ്‌ കാറായ മാരുതി സുസുകിയുടെ ആള്‍ട്ടോയ്‌ക്ക്‌ കനത്തവെല്ലുവിളിയുമായാണ്‌ ഇയോണ്‍ എത്തുന്നത്. ഒക്ടോബര് 10നും 15നും ഇടയില്‍ പുറത്തിറക്കുമെന്ന്‌ പ്രതീക്ഷിക്കുന്ന ഹ്യൂണ്ടായി ഇയോണിന്‌ 2.50-2.60 ലക്ഷം രൂപയായിരിക്കും വില.
ഇന്ത്യയിലെ ജനപ്രിയ ഹാച്ച്ബാക്ക് കാറുകളാണ്‌ ഹ്യൂണ്ടായ്‌ ഐ10. ഐ20 എന്നിവ. എന്നാല്‍ ഐ20യേക്കാള്‍ ഉയര്‍ന്ന നിലവാരമുള്ള ഐ30 ഹാച്ച്‌ബാക്കുകള്‍ പുറത്തിറക്കാനുള്ള തയ്യാറെടുപ്പിലാണ് ഹ്യൂണ്ടായ്‌. ഈ ആഴ്‌ച ആരംഭിക്കുന്ന ഫ്രാങ്ക്‌ഫര്‍ട്ട്‌ മോട്ടോര്‍ഷോയില്‍ ഐ30 അവതരിപ്പിക്കും. ഇതിന്റെ ചിത്രങ്ങള്‍ പുറത്തുവന്നിട്ടുണ്ട്‌. അതേസമയം 2007 ജൂലൈയില്‍ ചെക്ക്‌ റിപ്പബ്‌ളിക്കില്‍ പുറത്തിറക്കിയ ഐ30 ഹാച്ച്‌ബാക്കിന്റെ പരിഷ്‌ക്കരിച്ച പതിപ്പായിരിക്കും ഫ്രാങ്ക്‌ഫര്‍ട്ട്‌ ഷോയില്‍ അവതരിപ്പിക്കുക.
യമഹ ബൈക്ക്‌ പ്രേമികള്‍ക്ക്‌ ഇതാ ഒരു സന്തോഷ വാര്‍ത്ത. യമഹയുടെ പ്രീമിയം ബൈക്കായ വൈ ഇസഡ്‌ എഫ്‌- ആര്‍15 പരിഷ്‌ക്കരിച്ച്‌ പുറത്തിറക്കി. 250 സിസി വിഭാഗത്തിലുള്ള ബൈക്കാണിത്‌. പുതിയ എന്ജിന് കണ്‍ട്രോള്‍ യൂണിറ്റാണ്‌(ഇസിയു) ഈ ബൈക്കിന്റെ മുഖ്യ സവിശേഷത.
സ്‌പോര്‍ട്‌ ബൈക്കുകള്‍ക്ക്‌ ഇന്ത്യയില്‍ പ്രിയമേറുന്നു. ലോകത്തിലെ പ്രമുഖ സ്‌പോര്‍ട്‌സ്‌ ബൈക്ക്‌ നിര്‍മ്മാതാക്കള്‍ ഇന്ത്യന്‍ വിപണി ലക്ഷ്യമിടുന്നു. ഹര്‍ലി ഡേവിസന്‍, ബി എം ഡബ്‌ള്യൂ എന്നിവയുടെ ആഡംബര ബൈക്കുകള്‍ ഇപ്പോള്‍ത്തന്നെ ഇവിടെ ലഭ്യമാണ്. ഇപ്പോഴിതാ പ്രമുഖ ഇറ്റാലിയന്‍ സ്‌പോര്‍ട്‌സ്‌ ബൈക്ക്‌ നിര്‍മ്മാതാക്കളായ അപ്രില്ല ഇന്ത്യയിലേക്ക്‌ എത്തുന്നു.
ആഗോള ചെറുകാര്‍ വിപണി കീഴടക്കാന്‍ ഫോക്‌സ്‌ വാഗണിന്റെ പുതിയ മോഡല്‍ ഒരുങ്ങുന്നു. ഇന്ത്യയില്‍ അടുത്തവര്‍ഷം പുറത്തിറക്കുമെന്ന്‌ പ്രതീക്ഷിക്കുന്ന ഈ ഹാച്ച്‌ബാക്കിന്‌ അപ്പ്‌ എന്നാണ് പേരിട്ടിരിക്കുന്നത്‌. നിലവില്‍ ഇന്ത്യയില്‍ ലഭ്യമാകുന്ന ചെറുകാറായ പോളോയേക്കാള്‍ ചെറിയ കാറായിരിക്കും അപ്പ്‌.
ഹിന്ദുസ്ഥാന്‍ മോട്ടോര്‍സ്‌-മിത്‌സുബിഷിയുടെ സ്‌പോര്‍ട്‌സ്‌ യൂട്ടിലിറ്റി വാഹനമായ ഔട്ട്‌ലാന്‍ഡറിന്റെ പരിഷ്‌ക്കരിച്ച പതിപ്പ്‌ പുറത്തിറക്കി. രൂപഭംഗിയിലും മറ്റും നിരവധി പുതുമകളുമായി എത്തുന്ന പുതിയ എസ്‌യുവി ഔട്ട്‌ലാന്‍ഡര്‍ ക്രോം എന്ന വിളിപ്പേരിലാണ്‌ അറിയപ്പെടുന്നത്‌. സ്‌റ്റൈലിനും ഉപഭോക്‌താക്കളുടെ സൗകര്യവും മുന്‍തൂക്കം നല്‍കിയാണ്‌ ഔട്ട്‌ലാന്‍ഡര്‍ നവീകരിച്ചത്‌.
തിരുവനന്തപുരം: ടാറ്റ മോട്ടോഴ്സ് പ്രീമിയം ഹാച്ച്ബാക്ക് കാറായ ടാറ്റ വിസ്തയുടെ പുതിയ മോഡല്‍ വിപണിയിലിറക്കി. ശക്തിയേറിയ എന്‍ജിനുകളും ആകര്‍ഷകമായ രൂപവും അത്യാധുനിക ഫീച്ചറുകളും മികച്ച ഇന്റീരിയറും ഉള്‍പ്പെടുന്നതാണ് ടാറ്റ വിസ്തയുടെ പുതിയ മോഡല്‍. സെഡാന്റെ പോലുള്ള ഡ്രൈവിംഗ് അനുഭവം നല്കുന്നുവെന്നതാണ് പ്രത്യേകത.
പ്രാഞ്ചിയേട്ടന് ശേഷം മറ്റൊരു മികച്ച സിനിമ കുടി മലയാള സിനിമക്ക് സമ്മാനിച്ചിരിക്കുകയാണ് സംവിധായകന്‍ രഞ്ജിത്ത്. പൃഥ്വിരാജിനെ നായകനാക്കി രഞ്ജിത്ത് ഒരുക്കിയ ഇന്ത്യ റുപ്പീ താരബഹളങ്ങളൊന്നുമില്ലാതെ കഴിഞ്ഞ ദിവസം തിയേറ്ററുകളില്‍ എത്തി. പണം ഉണ്ടാക്കാന്‍ വേണ്ടി ഓടിനടക്കുന്ന ഇന്നത്തെ യുവതലമുറയുടെ പ്രതിനിധിയാണ് ജയപ്രകാശ് എന്ന ചെറുപ്പക്കാരന്‍. പഴയ സത്യന്‍ അന്തിക്കാട് ചിത്രങ്ങളിലെ മോഹന്‍ലാല്‍ കഥാപാത്രങ്ങളെ അനുസ്മരിപ്പിക്കുന്ന വേഷമാണ് പൃഥ്വിരാജിന്റെ ജേ പീ എന്ന ജയപ്രകാശ്.
യുവതാരങ്ങളുടെ തലക്കനത്തിന്‍റെയും അഹങ്കാരത്തിന്റെയും കഥകളാണ് മലയാള സിനിമയില്‍ കഴിഞ്ഞ കുറെ ദിവസങ്ങളായി കേള്‍ക്കുന്നത്. സിബിമലയില്‍ ചിത്രത്തിന്റെ ക്‌ളൈമാക്‌സ്‌ രംഗത്ത് അഭിനയിക്കാതെ മുങ്ങിയ റീമ കല്ലിംഗലും നിര്‍മ്മാതാക്കളെ അപമാനിച്ച നിത്യമേനോനുമാണ്‌ വിവാദ നായികമാര്‍. ഇടത്തില്‍ മാപ്പ് പറഞ്ഞ റീമ വി
വിവാഹം സ്വകാര്യമായി നടത്തിയത് സുപ്രിയയുടെ ഇഷ്ടപ്രകാരമെന്നു യുവ നടന്‍ പൃഥ്വിരാജ്. ഒരു സിനിമാ പ്രസിദ്ധീകരണത്തിന് നല്‍കിയ അഭിമുഖത്തിലാണ് പൃഥ്വി ഇങ്ങനെ പറഞ്ഞത്. വിവാഹം ഏതൊരാളുടെയും സ്വകാര്യതയാണ്. ഭാര്യ സുപ്രിയ ഒരു നടിയല്ല, അവള്‍ സ്വകാര്യത ആഗ്രഹിക്കുന്നുണ്ട്. വിവാഹം വലിയൊരു ചടങ്ങാക്കാന്‍ അവള്‍ ആഗ്രഹിച്ചില്ല. അവള്‍ പറയുന്നത് ശരിയാണെന്ന് എനിക്കും തോന്നി.
താരമൂല്യം ഉയര്‍ത്തിക്കാട്ടാന്‍ വേണ്ടി എല്ലാ സ്ഥലങ്ങളിലും ഫാന്സ് അസോസിയേഷനുകള്‍ രൂപീകരിക്കാന്‍ തനിക്കു താല്‍പര്യമില്ലെന്നു യുവ നടന്‍ ആസിഫ് അലി. ഒരു പ്രസിദ്ധീകരണത്തിന് നല്‍കിയ ഒരഭിമുഖത്തിലാണ് ആസിഫ് തന്റെ നയം വ്യക്തമാക്കിയത്. പക്ഷെ, തിരുവനന്തപുരത്തും തൃശൂരും എറണാകുളത്തുമെല്ലാം ഇപ്പോള്‍ എന്റെ പേരില്‍ ഫാന്സ് അസോസിയേഷനുണ്ട്.
മലയാള കുറ്റാന്വേഷണ സിനിമയില്‍ പുതിയൊരു പാത തുറന്നുകാട്ടി, മുമ്പെങ്ങുമില്ലാത്തൊരു തരംഗം സൃഷ്ടിച്ച ഒരു സി.ബി.ഐ ഡയറിക്കുറിപ്പിന്‍റെ അടുത്ത ഭാഗം വരുന്നു. 1987ല്‍ റിലീസു ചെയ്ത സി.ബി.ഐ ഡയറിക്കുറിപ്പിനു ശേഷം രണ്ടും മൂന്നും നാലും ഭാഗങ്ങളായ ജാഗ്രത, സേതു രാമയ്യര്‍ സിബിഐ, നേരറിയാന്‍ സിബിഐ എന്ന കുറ്റാന്വേഷണ പരമ്പരയിലെ അഞ്ചാമത്തെ ചിത്രമായിരിക്കും ഇനി വരുന്നത്.
കുഞ്ചാക്കോ ബോബനെ നായകനാക്കി നവാഗതനായ എം.എസ്.മനു സംവിധാനം ചെയുന്ന സാന്‍ഡ് വിച്ച് ഒക്ടോബര് 14ന് തീയേറ്ററുകളില്‍ എത്തുന്നു. സീരിയസായുള്ള ഒരു കഥയെ ഹാസ്യരൂപത്തില്‍ അവതരിപ്പിക്കുകയാണ് ഈ ചിത്രത്തിലൂടെ സംവിധായകന്‍. അപ്രതീക്ഷിതമായി ഉണ്ടാകുന്ന ഒരു സംഭവം ഒരാളുടെ ജീവിതത്തില്‍ ഉണ്ടാക്കുന്ന മാറ്റങ്ങളാണ് ഈ ചിത്രത്തിന്റെ അടിസ്ഥാന പ്രമേയം.
'ഷോര്‍ട്ട് ടേം മെമ്മറി ലോസ് ' സംഭവിച്ച ഒരു ചെറുപ്പക്കാരന്റെ കഥയില്‍ക്കൂടി തമിഴിലും, ഹിന്ദിയിലും ഹിറ്റ് മേക്കര്‍ ടീം ആയി മാറിയ എ.ആര്‍.മുരുഗദോസും സൂര്യയും ഒന്നിക്കുന്ന ബ്രഹ്മാണ്ഡ ചിത്രമായ 'ഏഴാം അറിവ് ' ദീപാവലിക്ക് പ്രദര്‍ശനത്തിന് എത്തും.
ജോഷി സംവിധാനം ചെയ്ത "പോത്തന്‍ വാവ"ക്ക് ശേഷം ഉഷ ഉതുപ്പ് വീണ്ടും മലയാള സിനിമയില്‍ അഭിനയിക്കുന്നു. ആറു വര്‍ഷത്തെ ഇടവേളക്കു ശേഷമാണ് ഉഷ ഉതുപ്പ് മലയാളത്തില്‍ വീണ്ടും എത്തുന്നത്. അലി അക്ബര്‍ സംവിധാനം ചെയ്യുന്ന "ഐഡിയല്‍കപ്പിള്‍" എന്ന ചിത്രത്തിലാണ് ഉഷ ഉതുപ്പ് അഭിനയിക്കുന്നത്. പ്രശസ്ത നടന്‍ നാസറിന്റെ ജോടിയായിട്ടാണ് ഉഷ ഉതുപ്പ് ഐഡിയല്‍കപ്പിളില്‍ അഭിനയിക്കുന്നത്.
സിനിമാതാരം ഉര്‍വ്വശിക്ക്‌ പിന്നാലെ സഹോദരിയും അഭിനേത്രിയുമായ കല്പന വിവാഹ ബന്ധം വേര്‍പെടുത്താന്‍ ഒരുങ്ങുന്നുവെന്ന വാര്‍ത്തയാണ്‌ കഴിഞ്ഞദിവസം കേരളത്തിലെ മാധ്യമങ്ങളില്‍ നിറഞ്ഞുനിന്നത്‌. എന്നാല്‍ ഈ വാര്‍ത്തകള്‍ വാസ്‌തവവിരുദ്ധമാണെന്ന്‌ കല്പന പറഞ്ഞു.