ജാപ്പനീസ്‌ കാര്‍ നിര്‍മ്മാതാക്കളായ ഹോണ്ടയുടെ കോംപാക്‌ട്‌ ഹാച്ച്‌ബാക്ക്‌ മോഡലായ ബ്രയോ ഇന്ത്യന്‍ വിപണിയില്‍ അവതരിപ്പിച്ചു. ഇ, എസ്‌, എസ്‌(ഓപ്‌ഷണല്‍), വി എന്നിങ്ങനെ നാലു മോഡലുകളായി ലഭ്യമാകുന്ന ബ്രയോയ്‌ക്ക്‌ 3.95-5.1 ലക്ഷം രൂപയാണ്‌ ഡല്‍ഹി എക്‌സ്‌ ഷോറൂം വില. ഹോണ്ട ബ്രയോ കൂടി എത്തിയതോടെ ഈ രംഗത്തെ മല്‍സരം കൂടുതല്‍ ശക്‌തമാകും.ഇന്ത്യയില്‍ ഏറ്റവുമധികം കാറുകള്‍ വില്‍ക്കപ്പെടുന്നത്‌ കോംപാക്‌ട്‌ ഹാച്ച്‌ബാക്ക്‌ വിഭാഗത്തിലാണ്‌. മാരുതി വാഗണ്‍ ആര്‍, ഹ്യൂണ്ടായി ഐ 10, ഷെവര്‍ലെ ബീറ്റ്‌, ഫോര്‍ഡ്‌ ഫിഗോ എന്നിവയുമായാണ്‌ ഇന്ത്യന്‍ വിപണിയില്‍ ബ്രയോ മല്‍സരിക്കുന്നത്‌.
ഹോണ്ട ജാസിനുള്ള അതേ 1.2 ലിറ്റര്‍ പെട്രോള്‍ എന്‍ജിനാണ്‌ ബ്രയോയ്‌ക്കും. 88 ബിഎച്ച്‌പി പവറും, 108 എന്‍എം ടോര്‍ക്കും പ്രദാനം ചെയ്യുന്ന എന്‍ജിനാണിത്‌. വളരെ ആകര്‍ഷകമായ എക്‌സ്‌റ്റീരിയര്‍ രൂപകല്‍പനയാണ്‌ ബ്രയോയുടെ സവിശേഷത. ഇന്റീരയറും മികച്ചതാണ്‌. പുറകില്‍ നല്ല ലെഗ്‌റൂം ഉണ്ടെന്നതാണ്‌ ബ്രയോയുടെ മുഖ്യ ഹൈലൈറ്റ്‌. സുരക്ഷാ, ആഡംബരം, സുഖയാത്ര എന്നിവയ്‌ക്ക്‌ ഊന്നല്‍ നല്‍കിയാണ്‌ ബ്രയോ വികസിപ്പിച്ചിരിക്കുന്നത്‌. ഉയര്‍ന്ന മോഡലുകളില്‍ എബിഎസ്‌, എയര്‍ബാഗ്‌, ഫോഗ്‌ ലാംപ്‌, അലോയ്‌ വീല്‍, യുഎസ്‌ബി ഓഡിയോ സിസ്‌റ്റം എന്നിവയുമുണ്ട്‌.
No comments:
Post a Comment