സ്‌പോര്‍ട്‌ ബൈക്കുകള്‍ക്ക്‌ ഇന്ത്യയില്‍ പ്രിയമേറുന്നു. ലോകത്തിലെ പ്രമുഖ സ്‌പോര്‍ട്‌സ്‌ ബൈക്ക്‌ നിര്‍മ്മാതാക്കള്‍ ഇന്ത്യന്‍ വിപണി ലക്ഷ്യമിടുന്നു. ഹര്‍ലി ഡേവിസന്‍, ബി എം ഡബ്‌ള്യൂ എന്നിവയുടെ ആഡംബര ബൈക്കുകള്‍ ഇപ്പോള്‍ത്തന്നെ ഇവിടെ ലഭ്യമാണ്‌. ഇപ്പോഴിതാ പ്രമുഖ ഇറ്റാലിയന്‍ സ്‌പോര്‍ട്‌സ്‌ ബൈക്ക്‌ നിര്‍മ്മാതാക്കളായ അപ്രില്ല ഇന്ത്യയിലേക്ക്‌ എത്തുന്നു.അപ്രില്ലയുടെ പ്രശസ്‌ത മോഡലുകളായ ആര്‍എസ്‌വി4, ആര്‍എസ്‌വി4 ആര്‍, ആര്‍എസ്‌വി4 എപിആര്‍സി എന്നിവയ്‌ക്ക്‌ പുറമെ ടോപ്പ്‌ വേരിയന്റായ ആര്‍എസ്‌വി4 ഫാക്‌ടറിയും ഇന്ത്യയില്‍ പുറത്തിറക്കും.
ആര്‍എസ്‌വി4 സീരീസിന്‌ പുറമെ മാനാ850(10 ലക്ഷം രൂപ), മാനാ850 എബിഎസ്‌(10.75 ലക്ഷം രൂപ), ടൗണോ എപിആര്‍സി(14 ലക്ഷം രൂപ) എന്നിവയും ഇന്ത്യന്‍ വിപണിയില്‍ പുറത്തിറക്കും. തുടക്കത്തില്‍ മുംബയ്‌, ഡല്‍ഹി എന്നിവിടങ്ങളിലായിരിക്കും അപ്രില്ല ബൈക്കുകള്‍ ലഭ്യമാകുക. ബുക്കിംഗ്‌ തുടങ്ങിക്കഴിഞ്ഞു. ബുക്ക്‌ ചെയ്‌താല്‍ ആറ്‌ ആഴ്‌ചകള്‍ക്കകം അപ്രില്ല ബൈക്കുകള്‍ സ്വന്തമാക്കാം.
No comments:
Post a Comment