ഹ്യൂണ്ടായിയുടെ ചെറുകാര് ഇയോണ് ദീപാവലിയ്ക്ക് മുമ്പ് ഇന്ത്യന് വിപണിയിലെത്തും. ഇന്ത്യയിലെ ബെസ്റ്റ് സെല്ലിംഗ് കാറായ മാരുതി സുസുകിയുടെ ആള്ട്ടോയ്ക്ക് കനത്തവെല്ലുവിളിയുമായാണ് ഇയോണ് എത്തുന്നത്. ഒക്ടോബര് 10നും 15നും ഇടയില് പുറത്തിറക്കുമെന്ന് പ്രതീക്ഷിക്കുന്ന ഹ്യൂണ്ടായി ഇയോണിന് 2.50-2.60 ലക്ഷം രൂപയായിരിക്കും വില.
814 സിസി എന്ജിനുള്ള ഇയോണിന് 21.1 കെഎംപിഎല് മൈലേജാണ് കമ്പനി അവകാശപ്പെടുന്നത്. ആള്ട്ടോയുടെ നീളമുള്ള(3.5 മീറ്റര്) ഇയോണിന്, പക്ഷെ ആള്ട്ടോയേക്കാള് വീതിയും ഉയരവും യഥാക്രമം 75എംഎം, 40എംഎം കൂടുതലാണ്.
സാന്ട്രോയുടെ പ്ളാറ്റ്ഫോമില് വികസിപ്പിച്ചെടുത്ത ഇയോണിന് ഐ10, സാന്ട്രോ എന്നിവയുടെ നിരവധി സവിശേഷതകളുണ്ട്. രൂപകല്പനയില് പുതിയ വെര്ണയുടെ ഫ്ളൂയിഡിക് ഡിസൈനാണ് ഉപയോഗിച്ചിരിക്കുന്നത്. വരുംവര്ഷങ്ങളില് ഇന്ത്യന് ചെറുകാര് വിപണിയിലെ മല്സരം കൂടുതല് ശക്തമാകും. നാനോ, ഇന്ഡിക്ക എന്നിവയ്ക്ക് ഇടയില് നില്ക്കുന്ന കാര് പുറത്തിറക്കാനുള്ള ശ്രമത്തിലാണ് ടാറ്റ. അതുപോലെ ഫോക്സ്വാഗണിന്റെ ചെറുകാര് അപ്പ് അടുത്തവര്ഷം ഇന്ത്യയില് അവതരിപ്പിക്കും.
No comments:
Post a Comment