ടാറ്റ ആര്യയ്ക്ക് പിന്നാലെ ഇന്ത്യയില് നിന്ന് മറ്റൊരു സ്പോര്ട്സ് യൂട്ടിലിറ്റി വെഹിക്കിള് (എസ് യു വി) ജനിക്കുന്നു. ഇന്ത്യന് കമ്പനിയായ മഹീന്ദ്ര ആന്ഡ് മഹീന്ദ്ര പുറത്തിറക്കുന്ന എസ് യു വിയ്ക്ക് എക്സ് യു വി 500 എന്നാണ് പേരിട്ടിരിക്കുന്നത്. സെപ്റ്റംബര് 28ന് മഹീന്ദ്ര എക്സ്യുവി 500 ഔദ്യോഗികമായി അവതരിപ്പിക്കും.
പൂര്ണമായും ഡിജിറ്റല് സാങ്കേതികവിദ്യയില് വികസിപ്പിച്ചെടുത്ത എക്സ്യുവി 500നെ ഒരു ഗാഡ്ഗറ്റ് പാക്ക്ഡ് വാഹനം എന്നാണ് വിദഗ്ദ്ധര് വിശേഷിപ്പിക്കുന്നത്. റെയിന് സെന്സിറ്റീവ് വൈപ്പര്, സണ്ലൈറ്റ് സെന്സിറ്റീവ് ഹെഡ്ലാംപ് എന്നിവയാണ് ഈ വാഹനത്തിന്റെ മുഖ്യ സവിശേഷതകള്.
140 ബിഎച്ച്പി പവറുള്ള 2.2 ലിറ്റര് എം ഹാക്ക് എന്ജിന്, 6-സ്പീഡ് ഗിയര്ബോക്സ് എന്നിവയുള്ള എക്സ്യുവി 500 ടൂവീല് ഡ്രൈവ്, ഫോര് വീല് ഡ്രൈവ് എന്നിങ്ങനെ രണ്ടു വേരിയന്റുകളായി ലഭ്യമാകും. മറ്റു വിവരങ്ങളൊന്നും പുറത്തുവിട്ടിട്ടില്ല. 14-17 ലക്ഷത്തിനിടയില് വിലവരുന്ന മഹീന്ദ്ര എക്സ്യുവി 500 ഇന്ത്യന് വിപണിയില് ടാറ്റ ആര്യ, സ്കോഡ യെതി എന്നീ എസ്യുവികളുമായാണ് മല്സരിക്കുക.
ഒരു എസ് യു വി എന്നതിന് പുറമെ എക്സ്യുവി 500നെ ഒരു ക്രോസ് ഓവര്(സ്പോര്ട്സ് യൂട്ടിലിറ്റിയും മള്ട്ടി യൂട്ടിലിറ്റിയും ചേര്ന്നത്) എന്ന് വിശേഷിപ്പിക്കാനാണ് തങ്ങള്ക്ക് ഇഷ്ടമെന്ന് മഹീന്ദ്ര ചീഫ് എക്സിക്യൂട്ടീവ് രാജന് വധേര പറഞ്ഞു. 2007ല് പുറത്തിറക്കിയ മഹീന്ദ്ര സ്കോര്പ്പിയോ വന്വിജയമായതോടെയാണ് ഒരു എസ്യുവി പുറത്തിറക്കുന്നതിനെക്കുറിച്ച് ആദ്യമായി ആലോചിക്കുന്നതെന്ന് അദ്ദേഹം പറഞ്ഞു. മള്ട്ടി യൂട്ടിലിറ്റി വിഭാഗത്തില് പുറത്തിറക്കിയ സൈലോയും മികച്ച വിജയമാണ് നേടുന്നതെന്ന് വധേര അവകാശപ്പെട്ടു.
No comments:
Post a Comment