ടാറ്റ വിസ്തയുടെ പുതിയ മോഡല്‍ വിപണിയില്‍

തിരുവനന്തപുരം: ടാറ്റ മോട്ടോഴ്സ് പ്രീമിയം ഹാച്ച്ബാക്ക് കാറായ ടാറ്റ വിസ്തയുടെ പുതിയ മോഡല്‍ വിപണിയിലിറക്കി. ശക്തിയേറിയ എന്‍ജിനുകളും ആകര്‍ഷകമായ രൂപവും അത്യാധുനിക ഫീച്ചറുകളും മികച്ച ഇന്റീരിയറും ഉള്‍പ്പെടുന്നതാണ് ടാറ്റ വിസ്തയുടെ പുതിയ മോഡല്‍. സെഡാന്റെ പോലുള്ള ഡ്രൈവിംഗ് അനുഭവം നല്കുന്നുവെന്നതാണ് പ്രത്യേകത.
സെപ്റ്റംബര്‍ 1 മുതല്‍ എല്ലാ ടാറ്റ മോട്ടോര്‍ ഡീലര്‍മാരില്‍നിന്നും ടാറ്റ വിസ്ത സ്വന്തമാക്കാം.
എക്സ്റ്റീരിയര്‍
പുതിയ ക്രോം ഗ്രില്‍, കുറഞ്ഞ വെളിച്ചത്തില്‍ പോലും മികച്ച കാഴ്ച നല്കുന്ന ട്രിപ്പിള്‍ ബാരല്‍ ഹെഡ് ലാംപ് എന്നിവയാണ് പുതിയ ടാറ്റ വിസ്തയുടെ പ്രത്യേകത. പുറംഭാഗങ്ങളില്‍ വ്യാപകമായി ക്രോം ഉപയോഗിച്ചിട്ടുള്ള പുതിയ മോഡലില്‍ അലോയി വീലുകളുമുണ്ട്. സമ്മര്‍ സ്പാര്‍ക്കിള്‍ എന്ന പുതിയ നിറത്തിലും വിസ്ത ലഭ്യമാണ്. റിയര്‍ വിന്‍ഡ്ഷീല്‍ഡിനു താഴെയായി മിറര്‍ ഫിനിഷ് ചെയ്തിരിക്കുന്നത് കാറിനെ ആകര്‍ഷകമാക്കുന്നു.
ഇന്റീരിയര്‍
സൌമ്യമായ ഡാഷ് ബോര്‍ഡ്, ഡോര്‍ പാഡ്സ് എന്നിവ സെഡാന്റെ പോലെയാണ്. 4-സ്പോക്ക് സ്റ്റീയറിംഗ് വീലിനൊപ്പം ഇപ്പോള്‍ 2-ഡിന്‍ മ്യൂസിക് സിസ്റ്റത്തിന്റെ ഓഡിയോ കണ്‍ട്രോളും ഉള്‍പ്പെടുത്തിയിരിക്കുന്നു. ബ്ളൂ 5 സാങ്കേതികവിദ്യ ഉപയോഗിച്ച് അഞ്ചു മൊബൈലുകളുമായി കണക്ട് ചെയ്യാന്‍ കഴിയും.  യുഎസ്ബി, ഓക്സിലറി ഇന്‍പുട്ട്, ബ്ളൂടൂത്ത് എന്നീ സൌകര്യങ്ങളുമുണ്ട്. ഡ്രൈവര്‍ സീറ്റിനോടു ചേര്‍ന്നുള്ള ജോയിസ്റ്റിക് ഉപയോഗിച്ച് ഇലക്ടിക്കലായി റിയര്‍ വ്യൂ മിററുകള്‍ തിരിക്കാന്‍ കഴിയും. കൂടാതെ ഇലക്ട്രിക്കലായി നിയന്ത്രിക്കാവുന്ന എച്ച് വിഎസി കണ്‍ട്രോളുകള്‍ കൂടുതല്‍ സൌകര്യപ്രദമാണ്.
ഏതുരീതിയിലും അഡ്ജസ്റ് ചെയ്യാവുന്ന രീതിയിലുള്ള സ്റ്റീയറിംഗ് വീലുകള്‍ ഉയരം ക്രമീകരിക്കാവുന്ന ഡ്രൈവിംഗ് സീറ്റുകളുമാണ് പുതിയ വിസ്തയ്ക്ക്. പിന്നിലെ സീറ്റുകള്‍ കൂടുതല്‍ ലഗേജുകള്‍ ഉള്‍പ്പെടുത്തുന്നതിനായി 60:40 ഫ്ളിപ് ആന്‍ഡ് ഫോള്‍ഡ് രീതിയിലുള്ളവയാണ്.
എന്‍ജിന്‍
1.3 ലിറ്റര്‍ കോമണ്‍ റെയില്‍ ഡയറക്ട് ഇന്‍ജക്ഷന്‍ ക്വാട്രാജെറ്റ് ഡീസല്‍ എന്‍ജിനും വേരിയബിള്‍ വാല്‍വ് ടൈമിംഗ് ടെക്നോളജി ഉപയോഗിക്കുന്ന 1.4 ലിറ്റര്‍ എംപിഎഫ്ഐ സഫൈയര്‍ പെട്രോള്‍ എന്‍ജിനുമാണ് വിസ്തയ്ക്ക്. ഡീസല്‍ എന്‍ജിന് 4000 ആര്‍പിഎമ്മില്‍ 75 പിഎസ് പവര്‍ നല്കാന്‍ കഴിയുന്നവയാണ്. പെട്രോള്‍ എന്‍ജിന് 6000 ആര്‍പിഎമ്മില്‍ പരമാവധി 90 പിഎസ് പവര്‍ നല്കാന്‍ കഴിയും. പുതിയ ടാറ്റ വിസ്തയുടെ ഡീസല്‍ മോഡലിന് 22.3 കിലോമീറ്റര്‍ മൈലേജും പെട്രോള്‍ മോഡലിന് 16.7 കിലോമീറ്റര്‍ മൈലേജും ലഭിക്കും.
ക്ളച്ച് മുഴുവനായി അമര്‍ത്തിയ ശേഷം മാത്രം എന്‍ജിന്‍ സ്റ്റാര്‍ട്ടാക്കാന്‍ കഴിയുന്ന രീതിയിലുള്ള ക്ളച്ച്-ടു-സ്റ്റാര്‍ട്ട് വിസ്തയുടെ പ്രത്യേകതയാണ്. അതുകൊണ്ടുതന്നെ എന്‍ജിന്‍ റീ-ക്രാങ്ക് ചെയ്യുമെന്ന പേടിവേണ്ട. കുറഞ്ഞ മര്‍ദ്ദത്തില്‍ പ്രവര്‍ത്തിക്കുന്ന പെഡല്‍ ക്ളച്ച്, എളുപ്പത്തില്‍ പ്രവര്‍ത്തിക്കുന്ന ക്ളച്ച്, കൂടുതല്‍ മികച്ച രീതിയിലുള്ള ബ്രേക്കിംഗ് സംവിധാനം, കൂടുതല്‍ സുഗമമായ സ്റ്റീയറിംഗ്, അനായാസം ഉപയോഗിക്കാവുന്ന ഗിയര്‍ ഷിഫ്റ്റ് മെക്കാനിസം എന്നിവയും വിസ്തയുടെ പ്രത്യേകതയാണ്.
ഇബിഡി ഉപയോഗിക്കുന്ന എയര്‍ബ്രേക്കിംഗ് സംവിധാനം, ഇരട്ട എയര്‍ബാഗുകള്‍, ക്രംപിള്‍ സോണ്‍, സൈഡ് ഇന്‍ട്രൂഷന്‍ ബീമുകള്‍ എന്നിവ യാത്രക്കാരുടെ സുരക്ഷയ്ക്കായി സജ്ജീകരിച്ചിരിക്കുന്നു. എന്‍ജിന്‍ ഇമ്മൊബലൈസര്‍, റിമോട്ട് കീലെസ് എന്‍ട്രി എന്നിവ സെഡാന്റെ പോലുള്ള സൌകര്യങ്ങളാണ്.
എല്‍എസ്/ജിഎല്‍എസ് (ബേസ് വേര്‍ഷന്‍), എല്‍എക്സ്/ജിഎല്‍എക്സ്, വിഎക്സ്/ജിവിഎക്സ്, സെഡ്എക്സ്/ജിസെഡ്എക്സ് (ടോപ് എന്‍ഡ് വേര്‍ഷന്‍) എന്നിങ്ങനെ വ്യത്യസ്ത മോഡലുകള്‍ സമ്മര്‍ സ്പാര്‍ക്കിള്‍, പോഴ്സലീന്‍ വൈറ്റ്, ആര്‍ട്ടിക് സില്‍വര്‍, സ്പൈസ് റെഡ്, ബ്ളില്യന്റ് ബ്ള്യൂ, കാവേണ്‍ ഗ്രേ എന്നീ നിറങ്ങളില്‍ ലഭ്യമാണ്.
പ്രീമിയം ഫീച്ചറുകളുളള പുതിയ ടാറ്റ വിസ്തയുടെ പെട്രോള്‍ മോഡലുകള്‍ക്ക് ഡല്‍ഹിയിലെ എക്സ് ഷോറൂം വില 3.88 ലക്ഷം രൂപയും ഡീസല്‍ മോഡലുകള്‍ക്ക് 4.79 ലക്ഷം രൂപയുമാണ്.