2010ലെ ഡല്‍ഹി ഓട്ടോ എക്‌സോപോയില്‍ റെനോ അവതരിപ്പിച്ച കുഞ്ഞന്‍ കാറാണ്‌ ട്വിസി ഇവി. രണ്ടു പേര്‍ക്ക്‌ മാത്രം സഞ്ചരിക്കാന്‍ കഴിയുന്ന ഇലക്‌ട്രിക്‌ കാറാണ്‌ ട്വിസി. ഈ വാഹനം ഉടന്‍ വിപണിയിലെത്തുന്നു. ഈ വര്‍ഷാവസാനത്തോടെ യൂറോപ്യന്‍ വിപണിയിലെത്തുന്ന റെനോള്‍ട്ട്‌ ട്വിസി ഇവി അടുത്തവര്‍ഷത്തോടെ ഇന്ത്യയിലും അവതരിക്കും. നഗരയാത്ര ലക്ഷ്യമിട്ട്‌ പുറത്തിറക്കുന്ന ട്വിസിക്ക്‌ 2.32 മീറ്റര്‍ നീളവും 1.19 മീറ്റര്‍ വീതിയും 1.46 മീറ്റര്‍ ഉയരവുമാണുള്ളത്‌.ചില രാജ്യങ്ങളില്‍ ലൈസന്‍സ്‌ ഇല്ലാതെ ഓടിക്കാന്‍ സാധിക്കുന്ന ട്വിസിയില്‍ പരമാവധി 45 കിലോമീറ്റര്‍ വേഗതയില്‍ സഞ്ചരിക്കാം. മൂന്നര മണിക്കൂര്‍ കൊണ്ട്‌ ചാര്‍ജ്‌ ചെയ്യാവുന്ന ബാറ്ററിയാണ്‌ ഇതിന്റെ മറ്റൊരു സവിശേഷത. ആകെ 450 കിലോഗ്രാമാണ്‌ ഇതിന്റെ ഭാരം. തിരക്കേറിയ നഗരവീഥികളില്‍ വലിയ എസ്‌യുവികളുമായി ഒരാള്‍ മാത്രം ഡ്രൈവ്‌ ചെയ്‌തുപോകുന്നത്‌ സ്ഥിരം കാഴ്‌ചയാണ്‌. ഇതുതന്നെയാണ്‌ ഗതാഗത തടസം സൃഷ്‌ടിക്കുന്നതും. ട്വിസി പോലെയുള്ള ചെറുവാഹനങ്ങളുടെ വരവ്‌ ഈ പ്രശ്‌നം ഒഴിവാക്കാന്‍ സാധിക്കുമെന്നാണ്‌ പ്രതീക്ഷിക്കുന്നത്‌.
No comments:
Post a Comment