ഇന്ത്യയിലെ ജനപ്രിയ ഹാച്ച്ബാക്ക് കാറുകളാണ് ഹ്യൂണ്ടായ് ഐ10. ഐ20 എന്നിവ. എന്നാല് ഐ20യേക്കാള് ഉയര്ന്ന നിലവാരമുള്ള ഐ30 ഹാച്ച്ബാക്കുകള് പുറത്തിറക്കാനുള്ള തയ്യാറെടുപ്പിലാണ് ഹ്യൂണ്ടായ്. ഈ ആഴ്ച ആരംഭിക്കുന്ന ഫ്രാങ്ക്ഫര്ട്ട് മോട്ടോര്ഷോയില് ഐ30 അവതരിപ്പിക്കും. ഇതിന്റെ ചിത്രങ്ങള് പുറത്തുവന്നിട്ടുണ്ട്. അതേസമയം 2007 ജൂലൈയില് ചെക്ക് റിപ്പബ്ളിക്കില് പുറത്തിറക്കിയ ഐ30 ഹാച്ച്ബാക്കിന്റെ പരിഷ്ക്കരിച്ച പതിപ്പായിരിക്കും ഫ്രാങ്ക്ഫര്ട്ട് ഷോയില് അവതരിപ്പിക്കുക.
ഇപ്പോള്തന്നെ യൂറോപ്പിലെ ജനപ്രിയ മോഡലുകളില് ഒന്നാണ് ഹ്യൂണ്ടായ് ഐ30. എന്നാല് ഇന്ത്യ ഉള്പ്പടെയുള്ള കാര്വിപണികള് ലക്ഷ്യമിട്ടാണ് ഐ30 ഹാച്ച്ബാക്കുകള് പരിഷ്ക്കരിച്ചിരിക്കുന്നത്. 2012 അവസാനത്തോടെയാകും ഐ30 ഇന്ത്യയില് അവതരിപ്പിക്കുക. അതേസമയം ഐ30 ഇന്ത്യയില് ലഭ്യമാകുന്നതോടെ, ലക്ഷ്വറി പ്രീമിയം ഹാച്ച്ബാക്ക് വിഭാഗത്തിലെ ഏക കാറായിരിക്കും അതെന്നാണ് സൂചന. നിലവില് ഇന്ത്യന് വിപണിയിലുള്ള മാരുതി സ്വിഫ്റ്റ്, ടയോട്ട ലിവ, ഐ20, ഫോക്സ്വാഗണ് പോളോ എന്നിവയേക്കാള് വില കൂടിയ മോഡലായിരിക്കും ഐ30.
No comments:
Post a Comment